Túrkistanda qymyz ben qymyran untaǵyn shyǵaratyn zaýyt iske qosylady
ShYMKENT. QazAqparat - Túrkistanda qymyz ben qymyran untaǵyn shyǵaratyn zaýyt iske qosylady. Qazaqstandaǵy teńdesi joq kásiporyn bıe men túıe sútin untaq kúıine aınaldyrady. Qazir nysannyń qurylysy qyzý júrip jatyr. Qarjylaı qoldaýdy Qytaı tarapy bildirýde, dep habarlaıdy QazAqparat HAA tilshisi.
Qytaılyqtardyń enshisindegi kompanııa kásipkerlikke qolaıly aımaq retinde Túrkistan qalasy tańdaǵan. Sebebi qasıetti mekende túıeniń kóp ósiriledi. Kásipkerler shıkizatty Túrkistan men oǵan jaqyn Otyrar aýdanynan, Qyzylorda oblysynan alýǵa bolady dep otyr. Ázirge jergilikti sharýalarmen kelissózder júrgizýde eken. Mundaǵy mamandardyń sózinshe untaqtalǵan qymyz ben qymyrannyń saqtalý merzimi 2 jylǵa deıin sozylady. Zaýyt basshylyǵy bir táýlikte myń tonnaǵa deıin ónim óndirýdi josparlap otyr. Tyń jańalyq eń aldymen túrkistandyq sharýalar úshin qolaıly bolmaq.
«Túrkistan qalasy ákimdigimen bizge 10 gektar jer bólindi. Osy jyly qańtar aıynda qurylys jumystary bastalǵan. Qazir bul jumystar qarqyndy túrde júrgizilýde. Zaýyt salynyp bitkende osy jerde táýligine 100 tonnadaı qymyz ben qymyrannan untaq daıyndalatyn bolady», - deıdi kompanııanyń basqarýshy dırektory Jazıra Ozatqyzy.
Jalpy seriktestiktiń jospary aýqymdy. Tek untaqtalǵan qymyz ben qymyran óndirip qana qoımaı, ulttyq sýsyndardy sońǵy protseske deıin óńdemek. Sóıtip, kosmetıkalyq ónimder men turmystyq hımııalyq suıyqtyqtar shyǵarýdy josparlap qoıǵan. Qazir ınvestorlarǵa jergilikti bılik tarapynan meılinshe qoldaý kórsetýde eken. Kásiporyn iske qosylsa, bir mezette 160 jergilikti azamat jumyspen qamtylady dep kútilýde.
