Túrkistanda qutqarýshylarǵa jańa órt sóndirý kólikteri berildi

NUR-SULTAN. QazAqparat – Túrkistan oblysynyń tótenshe jaǵdaılar departamenti sý jańa tehnıkamen tolyqty, dep habarlaıdy oblystyq ákimdiktiń baspasóz qyzmeti.

Tótenshe jaǵdaı qyzmetkerlerine oblys ákimi Ómirzaq Shókeev 20 órt sóndirý avtokóliginiń kiltin tabystady. Reseılik zaýyttan arnaıy tapsyryspen aldyrylǵan tehnıka zamanaýı qural-jabdyqtarmen tolyq qamtylǵan.

«Sizderdiń eńbekterińiz adal. Qaýiptiń bel ortasynda júrip tótenshe jaǵdaılarmen tıimdi kúres júrgizip kelesizder. Osy ýaqytqa deıin kóptegen jetistikterge qol jetkizdińizder. Apatpen kúreste joǵarǵy kásibılik jáne janqııarlyq eńbekterińizge alǵys aıtamyz», - dedi quttyqtaý sózinde oblys basshysy.

Búgingi tańda, óńirde órt sóndirý qyzmetinde 167 órt sóndirý tehnıkasy bar. Onyń basym kópshiligi órt sóndirý avtokólikteri de, qalǵany kómekshi avtokólikter. Sońǵy úsh jylda Tótenshe jaǵdaılar departamentiniń materıaldyq bazasyn nyǵaıtýǵa oblystyq bıýdjetten 66 birlik tehnıka alyndy.