Túrkistanda qurylysshylarǵa naýryz kóje men ystyq palaý taratyldy

TÚRKІSTAN. QazAqparat- Túrkistanda qurylysshylarǵa naýryz kóje taratyldy, dep habarlaıdy QazAqparat tilshisi.

Túrkistan oblysynda Ulystyń uly kúni – Naýryz merekesine arnalǵan is-sharalar jalǵasýda.

Búgin Túrkistan oblystyq Qazaqstan halqy Assambleıasy janyndaǵy analar keńesiniń uıymdastyrýymen Túrkistan qalasyndaǵy qurylys alańdarynda naýryz kóje berildi.

Aldymen Túrkistan oblystyq QHA janyndaǵy Analar keńesiniń tóraıymy Dúısenkúl Jambylova bastaǵan analar qaýymy «Qylýet» rýhanı ortalyǵyna bardy.

Bıyl el ıgiligine beriletin rýhanı nysanda 100-den asa qurylysshy eńbek etýde. Ortalyqta medrese, qarılar daıyndaıtyn mekeme, qyzmettik úı bolmaq.

Shara barysynda qurylys nysanyndaǵy jumysshylarǵa naýryz kóje berilip, ystyq palaý men baýyrsaq úlestirildi.

Іs-shara barysynda qurylys alańynda asyq atýdan saıys ótip, úlken-kishi demeı belsene qatysyp, óz sheberlikterin kórsetti.

Jeńimpazdarǵa Alǵys hattar men arnaıy Naýryz kádesyılary tabystaldy.

Merekelik is-shara jańa qala aýmaǵyndaǵy «Nur-Sultan city» turǵyn úı kesheninde jalǵasty.

Jalpy búgingi shara aıasynda oblys ortalyǵynda jumys istep jatqan 200-den asa qurylysshy naýryz kójeden dám tatyp, alǵystaryn aıtty.

Merekelik kóńil kúıge bólengen qurylysshylar barsha túrkistandyqtar men qonaqtardy Ulystyń Uly kúnimen quttyqtady.