Túrkistanda qurbysynyń atynan onlaın-nesıe rásimdegen alaıaq ustaldy
NUR-SULTAN. QazAqparat - Ordabasy APB-ǵa jergilikti turǵyn aryzdanady. Jábirlenýshi áıeldiń aıtýynsha, beıtanys tulǵa onyń atynan 2018 jyly qarasha aıynda mıkrokredıttik uymdardyń birinen 25 000 teńge onlaın-nesıe alǵan, dep habarlaıdy QazAqparat Túrkistan oblysy PD baspasóz qyzmetine silteme jasap.
Eki jylda qaryzy kóbeıip, habar kelgende, turǵyn tez arada tártip saqshylarynan mán-jaıdy anyqtaýǵa kómek berýlerin suraıdy. Atalǵan jaıt SDTTBT-ǵa engizilip, QR QK-niń 190-baby «Alaıaqtyq» boıynsha tirkeldi.
Aryzdanýshynyń shaǵymyna sáıkes, oryn alǵan alaıaqtyq qylmysyn ashyp, kúdiktini anyqtaý maqsatynda Ordabasy aýdany polıtseıleri qajetti is-sharalardy júrgizdi. Tekserý jumystary nátıje berý úshin Ordabasy APB-niń tergeýshisi polıtsııa leıtenanty Berikqalı Orazbaı arnaıy issaparmen Almaty qalasyna baryp, atalǵan shaǵyn nesıe berý uıymymen birlese jumys atqardy. Tergeý barysynda osy qylmysqa qatysty kúdiktiniń kim ekeni anyqtaldy. Ony polıtseıler turǵylyqty mekenjaıynan ustady. Ol jábirlenýshiniń burynǵy qurbysy bolyp shyqty.
Tergeý barysynda anyqtalǵandaı, kúdikti 2018 jyly Óskemende júrip, jábirlenýshige habarlasqan. ıAǵnı, qurbysyna saǵan aqsha salam, úıdegiler senen alyp ketse dep ótinish aıtqan. Sodan ekeýi kelisip qurbysyna sengen jábirlenýshi oǵan óziniń banktik kartochka men jeke kýáliginiń málimetterin sýretke túsirip jibergen. Osy arqyly kúdikti onlaın-nesıe alýǵa ótinish tastap, nesıe rásimdegen. Kúdikti óz kinásin tolyq moıyndap otyr.
Odan bólek, polıtseıler kúdiktiniń Ordabasy aýdanynda taǵy 6 turǵynnyń atynan nesıe alǵanyn anyqtady. Jábirlenýshilerge keltirilgen shyǵyn kólemi 300 000 teńgeden asady. Kúdiktiniń bas sharasy «qolhatta». Qazirgi tańda sotqa deıingi tergeý amaldary júrgizilýde. Polıtseıler oqıǵanyń tolyq mán-jaıyn anyqtaýda.
