Túrkistanda qýatty kún elektr stansasy salynýda
TÚRKІSTAN. QazAqparat - Túrkistan oblysynyń Saryaǵash aýdanynda 42 gektar jerde qýattylyǵy 20 MVt quraıtyn kún elektr stansasynyń qurylysy aıaqtalýda, dep habarlaıdy QazAqparat.
Jobany qazaqstandyq «EcoProTech-Astana» kompanııasy germanııalyq «DERA GmbH» kompanııasymen birlesip júzege asyrýda. Tartylǵan ınvestıtsııa kólemi - 35 mln dolllar.
Kún elektr stansasynyń qurylysy aıasynda 77 myńnan astam fotoelektrlik modýl, 10 ınvertor men transformator, sondaı-aq 10 taratýshy qurylǵy ornatylady. «Jasyl» energııa kózderinen óndirilgen elektr energııasy Qazaqstandaǵy biryńǵaı elektr energetıkalyq júıesi bolyp tabylatyn «KEGOC» AQ-ǵa jetkiziledi. Jobany júzege asyrý aıasynda 20 jumys adam jumyspen qamtylmaq.
Qazirgi ýaqytta qurylys alańynda modýlderge arnalǵan metall konstrýktsııalar salynǵan. Aǵymdaǵy jyldyń aqpan aıynda kún batareıalary men transformatorlar blogy ornatylady. Elektr stantsııasynyń iske qosylýy 2019 jyldyń naýryz aıyna josparlanǵan.
Jobany «Túrkistan» ƏKK» AQ fılıaly - «TURKISTAN INVEST» súıemeldeýde.
