Túrkistanda qoımashy zaýyttyń 4 mln teńge turatyn zattaryn satyp jibergen

TÚRKІSTAN. QazAqparat - Túrkistanda qoımashy qyzmet ornyndaǵy tehnıkalar men taýarlardy satyp jiberip, zaýytqa 4 mln teńgege jýyq shyǵyn keltirgen, dep habarlaıdy QazAqparat tilshisi.

Kúdikti er azamat óziniń qyzmetin asyra paıdalana otyrǵan. Al, aqshany bas paıdasynyń qajettiligine jumsapty. Qazirgi tańda atalǵan jaıtqa baılanysty sotqa deıingi tergeý amaldary júrgizilýde.

«Kúdikti turǵylyqty mekenjaıynan ustaldy. Atalǵan derek QR QK-niń 189-baby, ıaǵnı «Senip tapsyrylǵan bóten múlikti ıemdenip alý nemese talan-tarajǵa salý» qylmystyq quqyq buzýshylyǵy boıynsha tirkeldi», - deıdi, Túrkistan oblysy polıtsııa departamentiniń baspasóz hatshysy Gúlnar Ábdijapparova.