Túrkistanda qoımadan 3 mln teńge urlaǵan kúdikti ustaldy
TÚRKІSTAN. QazAqparat – Saıram aýdanynda qoımadan 3 mıllıon teńge urlandy, dep habarlaıdy QazAqparat Polıtsııa departamentine silteme jasap.
«Saıram APB-nyń kezekshi bólimine jergilikti turǵyn aryzdanyp, qoımasyna belgisiz tulǵalar kirip, kassa bólmesiniń qulpyn ashyp, 3 mıllıon teńgege jýyq aqshasyn jymqyryp ketkendigin aıtty. Júrgizilgen jedel-izdestirý is-sharalarynyń nátıjesinde polıtseıler kúdikti jergilikti turǵyndy quryqtady. Odan aıǵaqty zattar tárkilendi. Qazirgi ýaqytta tergep-tekserý jumystary júrgizilýde», - delingen habarlamada.
