Túrkistanda «Kórisý kúni» joǵary deńgeıde atalyp ótti
ShYMKENT. QazAqparat - Túrkistanda 14 naýryz - «Kórisý kúni» joǵary deńgeıde uıymdastyryldy dep habarlaıdy QazAqparat oblystyq ákimdiktiń baspasóz qyzmetine silteme jasap.
Ataýly kúnge oraı "Arbat" alańyndaǵy merekelik kontsertte "Altyn dáýir", "Kórisý", "Qaýyshý" toptarynyń qoıylymdary qoıyldy. Saltanatty sharaǵa óńir basshylary, zııaly qaýym ókilderi, óńir turǵyndary men BAQ ókilderi qatysty,
Merekelik jıynda ártister án aıtyp, ár túrli kompozıtsııalardy bıledi. 300 adamnan quralǵan «Jastyq-kóktem» atty fleshmob bıi kórsetildi. Oblys aýmaǵynda ótkizilip otyrǵan merekelik sharaǵa 1000-ǵa jýyq adam qatysty.Merekelik kontserttiń sońynda túrli etnostardyń ókilderi kitaphanalarda ulttyq taǵamdar men kitap kórmelerin usyndy.
Aıta keteıik, shym shaharda Naýryz merekesin erekshe atap ótýde. Bul mereke naýryz aıynyń on kúnine josparlanǵan: 14 naýryz "Kórisý kúni", 15 naýryz "Taǵzym kúni", 16 naýryz "Tazalaý kúni", 17 naýryz "Kóktem shýaǵy kúni", 18 naýryz "Kóktem órnekteri kúni", 19 naýryz "Balalar kúni", 20 naýryz "Birlik kúni", 21-22 naýryz "Naýryz" merekesin merekeleý kúni bolyp belgilengen.
