Túrkistanda kópqabatty úıdiń qabyrǵasyna dárigerlerge arnalǵan mýral salyndy
TÚRKІSTAN. QazAqparat – Túrkistan qalasyndaǵy kópqabatty úılerdiń qasbetine mýraldar salynýda. «Saýran» móltekaýdanynda salynǵan alǵashqy mýral qaýipti indettiń aldyn alý men naýqastardy aman alyp qalýda qajyrly eńbek etip júrgen aq halatty abzal jandarǵa arnalǵan, dep habarlaıdy QazAqparat tilshisi.
Buǵan deıin qala ákimdigi men «Túrkistan - adaldyq alańy» jobalyq keńsesiniń bastamasymen «Otyrar» yqshamaýdanynda Qoja Ahmet ıAsaýıdyń adaldyqqa shaqyratyn mýraly salynǵan edi.
Turǵyndardyń kóńilinen shyqqan dúnıeni qala ákimdigi shahardyń ózge de aýmaqtaryna salýdy jón kórgen. Artynsha «Otyrar» yqshamaýdanyndaǵy kópqabatty úıdiń qasbetine Abaıdyń 175 jyldyǵyna oraı uly oıshyldyń danalyq sózi jazylǵan mýral salyndy.
Shahar basshylyǵy qala kórkin asha túsetin mundaı mýraldar aldaǵy ýaqytta ártúrli taqyrypta salynady dep otyr.
Ol úshin qala turǵyndarynan túrli usynystar qabyldanady.
