Túrkistanda kópqabatty 100 turǵyn úı salynady
ASTANA. QazAqparat - Túrkistanda kópqabatty 100 turǵyn úı salynady. Bul týraly «Aımaqtyq» kommýnıkatsııalar qyzmetinde ótken brıfıngte Túrkistan qalasynyń ákimi Álipbek Óserbaev málim etti.
Baspasóz máslıhatynda «100 naqty qadam» Ult josparynyń oryndalý barysyn baıandaǵan Túrkistan qalasynyń ákimi qaladaǵy jańadan qurylǵan «Otyrar» shaǵyn aýdanyndaǵy 100 gektar jerge kópqabatty 100 turǵyn úı salynatynyn aıtty.
«Búginde munda jalpy sany 8 kópqabatty úıdiń qurylysy júrgizilýde. Olardyń ishinde óz qarjylaryna «Qazaqstan ıpotekalyq kompanııasy» 5 qabatty 4 úı salsa, «Otaý Stroı» kompanııasy 72 páterli 9 qabatty 2 úıdiń qurylysyn salýda. Sonymen qatar, «Qoljetimdi baspana 2020» memlekettik baǵdarlamasy aıasynda 60 páterli 2 turǵyn úıdiń qurylysy júrýde. Nátıjesinde, jyl sońynda 6 turǵyn úı paıdalanýǵa beriledi dep josparlanýda», -dedi qala basshysy.
Aıta keteıik, Túrkistan shaharynda qazirgi tańda 3600-den astam azamat turǵyn úı kezeginde tur.
Sondaı-aq, turǵyn úı kommýnaldyq sharýashylyǵyn jańǵyrtý boıynsha ótken jyly 30,1 mln. teńge qaralyp, kópqabatty 4 turǵyn úı modernızatsııalaýdan ótti. Nátıjesinde, qaladaǵy jańǵyrtýdan ótken baspanalardyń sany 22-ge jetti, dep habarlaıdy OQO ákiminiń baspasóz qyzmeti.
