Túrkistanda kópirdek sekirmek bolǵan áıel qutqaryldy
TÚRKІSTAN. QazAqparat - Túrkistan qalalyq polıtsııa basqarmasyna jergilikti turǵyn habarlasyp, 22 jastaǵy sińlisi kópirden sekireıin dep jatqany týraly habarlamy bergen, dep habarlaıdy QazAqparat PD silteme jasap.
«Tártip saqshylary oqıǵa ornyna keldi. Osy kúni qyzmette bolǵan polıtsııa leıtenanty jedel ýákil Ersultan Nuralyuly bıikten sekirmek bolǵan áıeldiń janyna jaqyndaıdy. Ol qyzǵa kúdik týdyrmaý úshin kópirge jasyryn minip, tý syrtynan kelip, kópirden bir aıaǵyn shyǵaryp ilinip turǵan qyzdy myqtap ustap alyp, qaýipsiz jerge shyǵarady», - delingen habarlamada.
Tekserý barysynda ózine qol salmaq bolǵan jas áıel jaqyn arada turmysqa shyqqan. Belgili bolǵandaı, otbasylyq kıkiljińnen soń sýıtsıd jasamaqshy bolǵan.
