Túrkistanda kópbalaly otbasylardan shyqqan stýdentterge stıpendııa taǵaıyndaldy

TÚRKІSTAN. QazAqparat – Túrkistan oblysynda kópbalaly otbasylardan shyqqan stýdentterge ataýly stıpendııa taǵaıyndaldy. Túrkistan joǵary medıtsınalyq kolledjinde úzdik oqıtyn eki jas óz stıpendııalarynan bólek 16 myń teńgeden shákirtaqy alyp otyratyn boldy, dep habarlaıdy QazAqparat tilshisi.

Bul shara elimizde jarııalanǵan Jastar jylyna oraı uıymdastyrylyp otyr. Dál osyndaı shákirtaqy Jetisaı joǵary medıtsına kolledjindegi stýdentterge de taǵaıyndalyp otyr. Qomaqty qarajatty bólip otyrǵan Túrkistan oblystyq Qoǵamdyq densaýlyq saqtaý basqarmasy men«Densaulyq» Densaýlyq saqtaý uıymy jumyskerlerliniń jergilikti kásipodaǵy jastarǵa jyl saıyn qoldaý kórsetýdi qolǵa almaq. Máselen, ótken oqý jylynda kópbalaly otbasyndan shyqqan tórt stýdentke osyndaı shákirtaqy bólinip kelgen bolatyn.

Aıta keteıik, arnaýly stıpendııa alýǵa ilikken stýdent Erkeǵalı Jaqsylyq atalǵan kolledjdiń 3 kýrsynda «emdeý isi» bóliminde oqıdy. Al, ekinshi stýdent Jandos Baqyt «medbıke isi» bóliminde 3 kýrsta bilim alýda.

Eki stýdent te oqý ornynda úzdik oqyp qana qoımaı, qoǵamdyq jumystarǵa belsene atsalysyp keledi. Sondaı-aq, túrli olımpıadalarǵa, bilim básekelerinde úlken jetiskterge qol jetkizgen. Qoǵamdyq densaýlyq saqtaý basqarmasy men kásipodaq uıymynyń basshylyǵy taǵaıyndalǵan shákirtaqy jastardyń bilimge degen qushtarlyǵyn arttyryp, oqý jyly barysynda túrli qajettilikterin alýǵa septigin tıgizedi degen senimde.

Eske salaıyq, Túrkistan joǵary medıtsınalyq kolledjinde búgingi tańda kópbalaly otbasydan shyqqan 1150 bala, tul jetim 8 stýdent oqıdy.