Túrkistanda kóne túrki dáýirine qatysty balbal tabyldy

TÚRKІSTAN. QazAqparat - Túrkistan oblysynda kóne túrki dáýirine qatysty tas músin tabyldy, dep habarlaıdy QazAqparat Qoja Ahmet ıAsaýı atyndaǵy halyqaralyq qazaq-túrik ýnıversıtetiniń professory Muhtar Qojaǵa silteme jasap.

«Jaqyn arada Túrkistan oblysynyń kún qaqtaǵan dalasynda kóne túrki dáýiriniń músini jatyr degen habarmen Qoja Ahmet ıAsaýı atyndaǵy Halyqaralyq Qazaq-Túrik ýnıversıtetiniń Arheologııa ǵylymı zertteý ınstıtýty qyzmetkerleri shuǵyl saparǵa shyǵyp kóne jádigerdi kórýge asyqty... Túrki dáýirine jatatyn tas músin beınesi erekshe eken. Bir qaraǵanda erekshe bas kıimi bar músin «kóne túrkilerdiń qudaıy - Umaı anany, ne baıyrǵy baqsyny - dinı qyzmetkerin beınelep tur mA» degen boljamdar aıtyp jatyrmyz. Zertteý jumystaryn júrgizip nátıjesin jarııalaımyz. Mundaı eskertkishti jáne onyń bastapqyda tabylǵan jerin kórsetken azamatqa - Saparbek Asqarbekulyna erekshe rızamyz, alǵysymyzdy bildiremiz», - dep jazdy Muhtar Qoja Facebook -tegi paraqshasynda.

Onyń aıtýynsha, eskertkishtiń negizgi bóligi tolyǵymen saqtalǵan.