Túrkistanda kóliginiń nómirin aınalmaly etip jasaǵan júrgizýshi ustaldy
TÚRKІSTAN. QazAqparat - Túrkistan oblysynyń polıtseıleri kóliginiń memlekettik nómirin aınalyp turatyn etip jasap alǵan júrgizýshini ustady, dep habarlaıdy QazAqparat Polisia.kz- ke silteme jasap.
Kezekti monıtorıng júrgizý kezinde polıtseıler, qala turǵynynyń óz kóliginiń memlekettik nómirin aınalatyn etip qaıta jabdyqtap alyp júrgeni jóninde beınejazbany anyqtady. Atalǵan quqyq buzýshylyqty jasaǵan «Toyota Camry» markaly kóliktiń júrgizýshisin anyqtaý maqsatynda Túrkistan QPB-nyń qyzmetkerleri shuǵyl áreketke kiristi. Qajetti sharalardy iske asyra otyryp tez arada nátıjege jetti. ıAǵnı tekserý jumystary barysynda quqyq buzýshy jas júrgizýshi anyqtalyp, ol jaýapkershilikke tartyldy.
Oǵan ÁQBtK-niń 590-babynyń 7-bólimi (Kólik quraldaryn paıdalaný qaǵıdalaryn buzý) boıynsha hattama toltyryldy.
Quqyq buzýshyǵa 15 AEK, shamamen 40 myń teńge kóleminde aıyppul salyndy.
