Túrkistanda kókpar uıymdastyrǵan turǵyn jazaǵa tartyldy
«Tólebı aýdany Momynaı aýyldyq okrýginde 100-den astam turǵyn jınalyp, kókpar oıynynyń bolyp jatqandyǵy anyqtaldy. Polıtseıler ótkizilip jatqan kókpar oıynyn toqtatyp, halyqqa túsindirme jumystaryn júrgizdi. Sonymen qatar jınalǵan jurtty úı-úıine tarqatty», - delingen habarlamada.
Kókpar oıynyn uıymdastyrǵan jergilikti turǵynǵa qatysty QR ÁQBtK-niń 425-baby «Halyqtyń sanıtarııalyq-epıdemıologııalyq salaýattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý» boıynsha is-qujattar jınaqtalyp, zańdy sheshim qabyldaý úshin SEBB-ǵa joldandy.
Óz kezeginde polıtseıler Túrkistan oblysynyń turǵyndary men qonaqtaryn karantın rejımi men sanıtarlyq-epıdemıologııalyq normalardyń talaptaryn buzbaýǵa shaqyrady. Bazarlarǵa, dúkenderge jáne adamdar kóp jınalatyn basqa jerlerge, qoǵamdyq kólikterge barǵan kezde medıtsınalyq betperde kıip, antıseptıkterdi paıdalaný jáne áleýmettik qashyqtyqty saqtaý qajet.
