Túrkistanda kınoteatrdyń ashylýyna 450-ge jýyq adam jınalǵan: Uıymdastyrýshylar jazalandy
TÚRKІSTAN. QazAqparat - Túrkistanda karantın kezinde 450-ge jýyq adamdy jınap, kontsert ótkizgender jazalandy. Bul týraly QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetinen málim etti, dep habarlaıdy QazAqparat.
26 mamyrda Túrkistan qalalyq Sanıtarııalyq-epıdemıologııalyq baqylaý basqarmasyna oblys ortalyǵynda kontserttik shara uıymdastyrylǵany týraly aqparat túsken.
«Basqarma tarapynan shuǵyl túrde Túrkistan qalalyq Polıtsııa departamentiniń basshysyna sharany uıymdastyrýshylardy anyqtaý týraly qyzmettik hat joldandy.
Tártip saqshylary uıymdastyrýshylardy birneshe kúnnen keıin anyqtady», - dedi komıtetten.
Anyqtalǵandaı, 24 mamyr kúni saǵat 19:00 shamasynda Túrkistan qalasynda jańa kınoteatrdyń ashylý saltanatyna oraı kontsert ótken. Oǵan 400-450-ge jýyq adam jınalǵan.
«Karantın rejımin buzǵan azamat QR ÁQBtK-niń 425-baby boıynsha ákimshilik jaýapkershilikke tartyldy. Aıta keteıik, 2021 jyldyń 18 mamyrynda Túrkistan oblysy bas memlekettik sanıtarııalyq dárigeriniń buqaralyq sharalardyń ótkizilýine tyıym salatyn qaýlysy shyqqan bolatyn», - dedi QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetinen.
