Túrkistanda qazaqstandyq tatýlyq pen kelisim úlgisin ilgeriletýge arnalǵan semınar ótýde
Jıynda qazaqstandyq tatýlyq pen kelisim úlgisin ilgeriletý máseleleri sóz boldy, dep habarlaıdy QazAqparat tilshisi.
Úsh kúndik semınarǵa Qazaqstan halqy Assambleıasy men birqatar mınıstrlikterdiń, QR Prezıdenti janyndaǵy «Qoǵamdyq kelisim» RMM-nyń, «Nur Otan» partııasynyń ókilderi, ǵalymdar, respýblıkalyq qoǵamdyq uıymdardyń jetekshileri, oblystyq basqarmalar men aýyl ákimdikteriniń qyzmetkerleri jáne jastar qatysýda. Semınardyń ashylý saltanatyna Ońtústik Qazaqstan oblysy ákimi apparatynyń «Qoǵamdyq kelisim» KMM basshysy Erbol Baıqonaqov pen Q.A.ıAsaýı atyndaǵy halyqaralyq qazaq-túrik ýnıversıtetiniń vıtse-prezıdenti Bahytjan Muhamedjanov, sondaı-aq Túrkistan qalasy ákiminiń orynbasary Ǵanı Rysbekov qatysyp, Memleket basshysynyń «Bolashaqqa baǵdar: rýhanı jańǵyrý» baǵdarlamalyq maqalasynda aıtylǵan ulttyq birgeılikti saqtaýdyń mańyzdylyǵyn sóz etti. Jıynda QR Prezıdenti janyndaǵy «Qoǵamdyq kelisim» RMM atynan ýnıversıtet kitaphanasyna birqatar kitaptar tartý etildi.
Budan bólek, semınar barysynda QR Eńbek jáne halyqty áleýmettik qorǵaý mınıstrliginiń departament dırektorynyń orynbasary E.Abýlhatın, QR Bilim jáne ǵylym mınıstrliginiń bas sarapshysy Q.Jahın, QR Prezıdenti janyndaǵy «Qoǵamdyq kelisim» RMM qyzmetkerleri T.Marmontova, J.Úsipbekova, A.Nurlan, L. N. Gýmılev atyndaǵy Eýrazııa ulttyq ýnıversıtetiniń professory, t.ǵ.k. Q.Darkenov jáne t.b ǵalymdar men qoǵam belsendileri «Qoǵamdyq sanany jańǵyrtý» baǵdarlamasyn júzege asyrý aıasynda qoǵamdyq kelisim men turaqtylyqty qamtamasyz etý máseleleri boıynsha dáris oqıdy dep josparlanǵan.
