Túrkistanda Qazaqstan kartasyn teris ilgender tártiptik jaýapkershilikke tartyldy
Oqıǵa 15-tamyz kúni boldy. Túrkistan oblysy «Atameken» kásipkerler palatasynyń uıymdastyrýymen ótken «Qazaqstannyń úzdik taýarlary – 2023» óńirlik baıqaý-kórmesinde sahnadaǵy led ekrannan fon retinde kórsetilgen Memlekettik Týdyń sýreti teris qarap qalǵan. Atalǵan jaǵdaı áleýmettik jelide keńinen talqylanyp, synaldy. Al, is-sharaǵa jaýapty Túrkistan oblysy Kásipkerler palatasynyń basshylyǵy bul jaǵdaı boıynsha jaýapty mamandarǵa shara qoldanylatynyn aıtyp, el halqynan keshirim surady.
«Aýqymdy is-sharada sahna tórine qoıylǵan banner eskıziniń ornalasýynda tehnıkalyq qatelik oryn alǵan. Olqylyqqa jol bergen baspahana basshylyǵyna eskertý jasalyp, kásipkerler palatasynyń jaýapty qyzmetkerleri tıisti tártiptik jaýapkershilikke tartyldy. Aldaǵy ýaqytta mundaı kemshilikterge jol berilmeıtindigin málimdeı otyra qazaqstandyqtardan, Túrkistan óńiriniń jurtshylyǵynan keshirim suraımyz» - delingen Túrkistan oblysy Kásipkerler palatasynyń baspasóz qyzmeti usynǵan aqparatta.
