Túrkistanda qazaq álipbıin latynǵa kóshirýdegi talaptar talqylandy
Konferentsııaǵa qalalar men aýdandardyń mádenıet jáne tilderdi damytý bólimderiniń basshylary, til jónindegi mamandar, tilderdi oqytý jáne damytý ortalyqtarynyń dırektorlary men ádisker-oqytýshylary, kolledj jáne mektepterdiń qazaq tili páni muǵalimderi qatysty,
Sharany Túrkistan oblysynyń Mádenıet jáne tilderdi damytý basqarmasy basshysynyń mindetin atqarýshy Asylhan Temirhanuly ashyp, konferentsııanyń maqsatyna toqtalyp ótti. Onyń sózinshe, búgingi tańda latyn negizdi qazaq tili álipbıiniń, «Qazaq tili emlesiniń negizgi erejeleri» jobasynyń praktıkalyq turǵyda meńgerilýin jan-jaqty qamtý, naqtylaı túsý ózekti bolyp otyr. Al latyn álipbıine kóshý - qazaq halqynyń alǵa jyljýyna, jańa zaman talabyna saı ósip-órkendeýine jol ashady. Bolashaqta elimizdiń jan-jaqty damýyna úlken úles qosyp, jemisi men jeńisin ákeleri sózsiz.
«Biz latyn álipbıine kóshe otyryp, órkenıetti elderdiń qataryna qosylamyz. Tilimizdegi dybystyq júıelerdi naq anyqtap, qazaq tiliniń jazylýy men dybystalý kezinde sózder qoldanysyndaǵy artyq kirme sózderden arylamyz. Sondyqtan latyn álipbıine kóshý biz úshin, bolashaq úshin áldeqaıda mańyzdyraq. Qazaq tilin jańǵyrtýdyń basty kórsetkishi - latyn qarpine kóshý. Bul - qazirgi zaman talaby»,- dedi Asylhan Temirhanuly.
Konferentsııa barysynda A.ıAsaýı atyndaǵy Halyqaralyq qazaq-túrik ýnıversıtetiniń dotsenti, fılologııa ǵylymynyń kandıdaty Naǵıma Qoshanova «Latyn negizdi grafıkanyń orfografııalyq erejeleri» taqyryby boıynsha óz oıyn jetkizdi. Al Shardara aýdandyq tilderdi oqytý ortalyǵynyń dırektory Qurbankúl Manahova «Jazýy jańarǵan halqymyzdyń jan-júregi de tazarady» taqyrybynda baıandama jasady. M.Áýezov atyndaǵy Ońtústik Qazaqstan ýnıversıtetiniń Tilderdi damytý bóliminiń jetekshisi Aqtolqyn Jamanbaeva latyn grafıkasy boıynsha túsindirý jumystaryn júrgizdi.
