Túrkistanda qatty jyldamdyqpen jarysqan eki júrgizýshi jazalandy
TÚRKІSTAN. QazAqparat - Túrkistan oblysy polıtseıleri jarysqan júrgizýshilerdi jaýapqa tartty, dep habarlaıdy QazAqparat oblystyq polıtsııa departamentine silteme jasap.
Esterińizge sala keteıik, áleýmettik jelide Túrkistan qalasy A.Baıtursynov jáne Jibek joly kósheleri boıynda eki BMW avtokóliginiń óte qatty jyldamdyqpen jarysqany jaıynda beınejazba taralǵan bolatyn.
Atalǵan jol qaýipsizdigi erejesin buzyp, quqyqbuzýshylyq jasaǵan BMW markaly avtokólikterdi anyqtaý maqsatynda túrkistandyq polıtsııa qyzmetkerleri shuǵyl iske kiristi.
Tekserý barysynda 2 kóliktiń de júrgizýshisi anyqtalyp, olarǵa QR ÁQBtK 595-baby 1-bóligimen jáne 606-babyboıynsha hattama toltyrylyp, kólikter aıypturaqqa qoıyldy.
Óz kezeginde Túrkistan oblysy polıtseıleri jolda jyldamdyqty asyrmaýǵa, manevr jasaý qaǵıdalaryn buzbaýǵa, múmkindiginshe saqtyq sharalaryn qoldanyp kólik basqarýǵa keńes beredi.
