Túrkistanda Qasym Qaısenovke arnalǵan kórme ashyldy
ShYMKENT. QazAqparat - Túrkistandaǵy «Áziret Sultan» memlekettik tarıhı-mádenı qoryq-mýzeıiniń kitaphanasynda belgili jazýshy, Qazaqstannyń Halyq batyry Qasym Qaısenovtiń 100 jyldyǵyna arnalǵan «Qazaqtyń qaısar uly - Qasym batyr» atty kitap kórmesi ashyldy, dep habarlaıdy QazAqparat tilshisi.
Sharaǵa Túrkistan qalasyndaǵy kitaphana ókilderi, stýdentter men oqýshylar jáne mýzeı qyzmetkerleri qatysty.
Atalǵan kitap kórmesinde kelýshilerge «Áziret Sultan» qoryq-mýzeıi qorynan Qasym Qaısenovtiń erligi týraly materıaldar, onyń shyǵarmalary, týystary men dostarynyń estelikteri jáne merzimdi basylym betterinde jarııalanǵan maqalalary usynyldy. Sonymen qatar, batyr jaıynda daıyndalǵan qysqasha beınerolık qoıyldy. Jastarǵa onyń ómir deregi týraly aqparattar tanystyryldy. «Qazaqtyń qaısar uly - Qasym batyr» atty kitap kórmesi bir aıǵa jalǵasady dep josparlanǵan.
Aıta keteıik, Qasym Qaısenov Uly Otan soǵysyna qatysyp, partızandar otrıadyn basqarǵan. Ýkraına, Belarýsııa, Moldavııa, Chehoslavakııa jáne taǵy da basqa jerlerdi azat etýge qatysqan. Aty ańyzǵa aınalǵan partızan, jazýshy Qasym Qaısenov Qazaqstanda ǵana emes, burynǵy Keńester Odaǵynyń túkpir - túkpirine keńinen tanylǵan. Áskerı taqyrypqa arnalǵan kitaptarǵa degen qyzyǵýshylyǵy aıryqsha onyń shyǵarmashylyǵy memýarlar, derekti jáne kórkem proza men pýblıtsıstıka syndy túrli janrlardy ushtastyrady. QR Prezıdentiniń 1995 j. 24 sáýirdegi Jarlyǵymen jazýshy Qasym Qaısenovke «Halyq kaharmany» erekshe belgisi taǵaıyndalyp, «Altyn juldyz» ben «Otan» ordeni berilgen.
