Túrkistanda qasapshyny pyshaqtap óltirdi degen kúdikpen jas jigit ustaldy

TÚRKІSTAN. QazAqparat - Túrkistan oblysynyń polıtseıleri jergilikti turǵynnyń ólimine kináli adamdy jedel anyqtady, dep habarlaıdy QazAqparat polıtsııaǵa silteme jasap.

22 aqpan túnde Túrkistan qalalyq polıtsııa basqarmasynyń kezekshi bólimine jedel járdem qyzmetinen habar túsken.

Onda kóshe qıylysynan pyshaq jaraqaty bar er adamnyń máıiti tabylǵangy aıtylǵan.

Jábirlenýshiniń bazarda qasapshy bolyp jumys istegen jergilikti turǵyn ekeni anyqtaldy.

Aýyr qylmysty ashý maqsatynda tártip saqshylary kýágerlerden jaýap alyp, barlyq polıtsııa beketterine habarlady.

Kúdikti sol túni ustaldy. Ol - Túrkistan qalasynyń turǵyny.

Jas jigit óz kinásin moıyndady. Zattaı dálel retinde as úı pyshaǵy alyndy.

Aldyn ala málimet boıynsha, eki er adam arasynda mal soıýǵa qatysty janjal týyndap, jábirlenýshi pyshaqtalyp, kúdikti oqıǵa ornynan qashyp ketken.

QR QK 99-baby 1-bóligimen sotqa deıingi tergeý amaldary júrgizilip jatyr.