Túrkistanda qarý kezenip, kólikti minip ketken kúdikti ustaldy
TÚRKІSTAN. QazAqparat - Túrkistan qalasynda qarý kezenip, kólikti minip ketken kúdikti ustaldy. Polıtseıler seziktiden tapansha tárkilep alǵan, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, kólik urlaǵandardy ustaýǵa jergilikti turǵynnyń aryzy negiz bolypty. Ol ortalyq kóshelerdiń birinde ózine belgisiz tulǵalar shabýyldap, «BMV» avtokóligin urlap ketkendigin kórsetken. Jedel izdestirý sharalarynyń barysynda polıtseıler bir tonaýshyny Shymkent qalasynan ustaǵan. Ol buryn sotty bolǵan Túrkistan qalasynyń turǵyny bolyp shyqty. Al, sybaılastaryna izdeý jarııalandy.
«Atalǵan jaıt QR QK «tonaý» jáne «qarýdy zańsyz satyp alý, saqtaý jáne alyp júrý» baby boıynsha SDTBT-ne tirkelgen. Jábirlenýshige keltirilgen shyǵyn kólemi mıllıonnan asa teńgeni quraǵan. Urlanǵan avtokólik zańdy ıesine qaıtarylyp, sotqa deıingi tergeý amaldary júrgizilýde. Іske qatysty materıaldar sotqa joldandy.
