Túrkistanda karantın tártibi engizilgennen beri alǵashqy azyq-túlik jármeńkesi ótti
TÚRKІSTAN. QazAqparat - Elimizde karantın rejımi engizilgennen beri Túrkistan qalasynda alǵashqy ret azyq-túlik ónimderiniń jármeńkesi ótti. Onda Arys qalasy men Keles aýdanynyń taýar óndirýshileri jáne «Túrkistan» áleýmettik kásipkerlik korporatsııasynyń aýyl sharýashylyǵy ónimderi tómen baǵamen satyldy, dep habarlaıdy QazAqparat tilshisi.
Atap aıtsaq, kartop 80 teńgeden, pııaz 45 teńgeden, qyryqqabat 60 jáne sıyr eti 1800 teńgeden saýdalandy. Jármeńkege 23 ataýly taýardan 29,4 tonna ónim aparylǵan. «Altyn bulaq» avtobeketinde bolǵan jármeńke taýarlary túske deıin-aq tutynýshylar ıgiligine satylyp ketti. Atalǵan is-shara barlyq sanıtarlyq talaptar saqtala otyryp ár aptanyń senbi jáne jeksenbi kúnderi ótkiziletin bolyp josparlandy. Oblystyq kásipkerlik jáne saýda basqarmasy men Aýyl sharýashylyǵy basqarmasynyń uıymdastyrýymen ótken sharanyń basty maqsaty azyq-túlik baǵasyn turaqtandyrý boldy.
