Túrkistanda qalta urlyǵyn kásip etken kúdikti ustaldy
ShYMKENT. QazAqparat - Túrkistanda qalta urlyǵyn kásip etken kúdikti ustaldy. Qazirgi tańda qolǵa túsken seziktiniń halyq kóp shoǵyrlanǵan jerler men qoǵamdyq oryndarda on shaqty ret urlyq jasaǵany anyqtalyp otyr, dep habarlaıdy QazAqparat HAA tilshisi.
Belgili bolǵandaı, Túrkistanda polıtsııa bólimine jergilikti turǵyn aryzdanyp kelgen. Onyń aıtýynsha qoǵamdyq kólikke miner kezinde belgisiz azamat quny 45 myń teńge turatyn uıaly telefonyn urlap ketkenin kórsetken. Osydan keıin tártip saqshylary jedel-izdestirý sharasyn júrgizip, kúdikti retinde Kentaý qalasynyń 40 jastaǵy turǵyny ustaldy. Tekserý barysynda onyń buryn sotty bolǵany anyqtaldy.
Jaýap alý barysynda sezikti on shaqty ret qalta urlyǵyn jasaǵanyn moıyndaǵan. ıAǵnı, azamattardyń beıqam ne uqypsyzdyǵyn paıdalanyp, qaltalarynan uıaly telefondaryn, baǵaly zattary men aqshalaryn urlap otyrypty. Sóıtip, oqıǵa ornynan izin sýytyp júrgen. Qoldy etken zattardy satyp, aqshasyn óz qajettiligine jaratqan. Búginde qalta urysynyń jábirlenýshilerge jarty mıllıon teńgeden astam shyǵyn keltirgeni anyqtalyp otyr.
Polıtseıler atalǵan jaıt boıynsha Qylmystyq kodekstiń 188-shi «Urlyq» babymen qylmystyq is qozǵalyp, tergeý amaldary júrgizilýde. Kúdikti qamaýǵa alyndy.
