Túrkistanda qalanyń damýyna eńbegi sińgen azamattar marapattaldy
TÚRKІSTAN. QazAqparat – Túrkistanda qalanyń damýyna eńbegi sińgen azamattar marapattaldy. Qala basshysy Rashıd Aıýpov qalanyń damýyna eńbegi sińgen jáne túrli salada kósh bastap, belsendilik kórsetip júrgen azamattarǵa «Qalaǵa sińirgen eńbegi úshin» tósbelgisin taqty, dep habarlaıdy QazAqparat tilshisi.
Marapattalǵan azamattardyń qatarynda «Áıelder alqasynyń» tóraıymy Uljan Mustafaeva men Q. A. ıAsaýı atyndaǵy HQTÝ-diń professory, jýrnalıst Bekjigit Serdáli, qalalyq Qorǵanys isteri jónindegi basqarmasynyń bastyǵy Nyǵmet Ahmetuly jáne basqa da turǵyndar bar. Olarǵa arnaıy medal men alǵys hat jáne syı-sııapat tapsyryldy.
Sonymen qatar, bul kúni qalalyq máslıhattyń úzdik depýtattary da qurmetke bólendi. Ǵappar Sársenbaev «Úzdik máslıhat hatshysy» atansa, Erjan Mustapaev «Úzdik máslıhat depýtaty» dep tanyldy. Al. «Halyq alǵysy» merekelik medalimen Aıdos Abpazov jáne basqa da máslıhat depýtattary marapattaldy.
«Sizderdiń ońdy isterińizdiń arqasynda qalamyzdyń damýynda da ilgerileý baıqalady. Osyndaı isterińiz ben janashyrlyqtaryńyzǵa alǵysymdy bildiremin. Aldaǵy isterińizge tabys, eńbekterińizge jemis tileımin!», - dedi qala ákimi Rashıd Aıýpov.
