Túrkistanda Q.A. ıAsaýı eńbekteri jınaqtalyp, 9 kitap bolyp basylyp shyqty
Q.A.ıAsaýı atyndaǵy Halyqaralyq qazaq-túrik ýnversıtetiniń professory Dosaı Kenjetaıdyń aıtýynsha, «ıAsaýı antologııasy» kitaptar jınaǵy 9 kitaptan turady. Onda kóne qalalar, tarıhta tereń oryn qaldyrǵan tulǵa esimderi, paıǵambarlar, áýlıeler, tipti Islam tarıhynda aty qalǵan tulǵalardyń esimderi de bar. Sondaı-aq, Q.A.ıAsaýıdiń rýhanı adamgershilik tálim-tárbıesin, aǵartýshylyq qyzmetiniń, shyǵarmashylyq, tarıhı eńbekterin taldaý, negizge alý, fılosofııalyq tanymdary qamtylǵan.
Kitaptyń tusaýkeserine zııaly qaýym ókilderi men Q.A.ıAsaýı atyndaǵy Halyqaralyq Qazaq-Túrik ýnıversıtetiniń oqytýshylary, ıasaýıtanýshylar, bilim jáne mádenıet salasynyń qyzmetkerleri jáne jastar qatysty.
Іs-sharada Túrkistan oblysy ákiminiń orynbasary Beısenbaı Tájibaev el rýhanııaty taǵy bir qazynaǵa molaıǵanyna toqtalyp, bul kitaptyń jas ǵalymdar úshin mańyzdy kómekshi qural ekenin atap ótti.
«Búginde Túrkistandy Túrki áleminiń rýhanı-mádenı ortalyǵyna aınaldyrý baǵytynda ıgilikti ister atqarylyp jatyr. Bul oraıda, kúlli túrki áleminiń rýhanı astanasynda respýblıkalyq jáne halyqaralyq deńgeıdegi is-sharalar qolǵa alynady», - dedi Beısenbaı Dáýletuly.
Aıta keteıik, búginde Túrkistanda ıAsaýı mýzeıi boı kóterip jatyr. Murajaıda ǵulama men onyń shet memleketterdegi shákirtteriniń eńbekteri qoıylatyn bolady. Bul ǵımarat urpaqty izgilikke, ǵylym men bilim úırenýge baǵyttaıtyn biregeı sáýlet nysany bolmaq.
Foto: Túrkistan oblysy ákiminiń baspasóz qyzmeti
