Túrkistanda iskerlik ortalyqtyń qurylysy bastaldy
TÚRKІSTAN. QazAqparat - Búgin Túrkistan oblysynyń ortalyǵy - Túrkistan qalasynda ákimdik ornalasatyn iskerlik ortalyqtyń qurylys jumystary bastaldy. Oblys ákimi Janseıit Túımebaev zamanaýı nysannyń kapsýlasyn salyp, osynaý tarıhı sáttiń mán-mańyzyna toqtaldy, dep habarlaıdy QazAqparat tilshisi.
Jıynǵa jergilikti túrkistandyq turǵyndar qatysyp, aqsaqaldar jaǵy bata berdi. Saltanatty sharada aımaq basshysy bolashaq ortalyqtyń josparymen bólisti.
«Aýdany 50 myń sharshy metrdi qamtıtyn ǵımarat 4 qabattan turady. Munda zamanaýı yńǵaıly keńseler, sý men energııany tıimdi paıdalaný júıesi qarastyrylǵan. ıAǵnı, iskerlik ortalyq avtomattandyrylǵan «aqyldy ǵımarat» qaǵıdasymen jobalanǵan», - dedi oblys basshysy.
Nysannyń qurylysyn astanalyq qurylys kompanııasy óz qarajaty esebinen júrgizýdi usynyp otyr. Alǵashqy irgetasy 2019 jyldyń qańtar aıynda qalanatyn ortalyq 2020 jyldyń naýryz aıynda paıdalanýǵa beriledi dep josparlanǵan.
Esterińizde bolsa, QR Prezıdentiniń qatysýymen 2018 jylǵy 29 qyrkúıekte ótken keńeste Elbasy N.Nazarbaev Túrkistan qalasynda salynatyn birqatar nysandardyń qurylysyn bıznes ókilderiniń óz qarajaty esebinen júrgizý jóninde tapsyrma bergen bolatyn. Nátıjesinde, sol kezde oblystar men ulttyq kompanııalar, iri qurylys uıymdary, bıznes ókilderi jáne sheteldik ınvestorlar tarapynan birqatar qurylys nysandaryn iske asyrýǵa usynystar engizilip, qoldaý tapqan-dy. Sonyń biri - búgingi qurylysy bastalǵaly otyrǵan iskerlik ortalyq ǵımaraty.
