Túrkistanda ınvestorlardyń quqyqtaryn qorǵaý boıynsha jumystar júrýde
Qazirgi tańda bıznesti qorǵaý, qolaıly ınvestıtsııalyq jaǵdaı jasaý jáne kásipkerler úshin sybaılas jemqorlyq derekteri boıynsha qysymdardy tómendetýdi oblystyq Cybaılas jemqorlyqqa qarsy is-qımyl departamenti júzege asyrýda.
Búginde QR Cybaılas jemqorlyqqa qarsy is-qımyl agenttigi men Syrtqy ister mınıstrligi, sondaı-aq Investıtsııalar jáne damý mınıstrlikteri arasyndaǵy yntymaqtastyq týraly memorandým aıasynda el ekonomıkasyna ınvestıtsııalardyń kelýin jeńildetý, bıýrokratııa tártipterin jáne sybaılas jemqorlyq derekterin boldyrmaý maqsatynda «Protecting Business and Investments» jobasyn júzege asyrýda.
Atalǵan jobaǵa qatysýǵa nıet bildirgen kásiporyndar qatarynda Túrkistan oblysynda ornalasqan «Golden Camel» JShS de bar. Birneshe aı buryn qurǵaq túıe sút ónimderin óńdeıtin zaýytqa belgisiz tulǵalar Túrkistan oblysy Ekologııa departamentinen tekserý taǵaıyndalǵanyn aıtyp, tekseris jumystaryn júrgizbek bolǵan. Alaıda, óreskel quqyq buzýshylyqtarmen taǵaıyndalǵan tekseriske kúdiktengen seriktestik basshylyǵy kelisimshartqa otyrǵan «Protecting Business and Investments» jobalyq keńsesimen baılanysyp, jedel tekserý taǵaıyndaǵan memlekettik organǵa habarlasqan. Nátıjesinde aqparattyq taldaý jumystary júrgizilip, atalǵan tekserý Departament tarapynan taǵaıyndalmaǵany jáne tekserý jumysyn júrgizýge kelgen azamattar alaıaqtar ekeni anyqtaldy.
Osyndaı oqıǵa óńirdegi «Djon Ban Metall Prom» JShS-inde de oryn alǵan. Bul mekeme jumysyna Kóshi-qon polıtsııa tarapynan tekseris jumystary júrgizilgendigi jáne zańdy túrde Respýblıka aýmaǵynda júrgen shetel azamattarynyń qujattaryn alyp ketkeni týraly aqparat kelgen. Atalǵan aqparatty seriktestik qyzmetkerleri jobalyq keńsege jetkizip, tez arada zańsyz alynǵan qujattar ıelerine qaıtaryldy. Búginde jobalyq keńse qyzmetkerleri quqyq jáne zań buzýshylyqtarǵa jol bermeý maqsatynda oblystaǵy barlyq bıznes sýbektilerin birige jumys isteýge shaqyryp otyr.
Aıta keteıik, atalǵan joba boıynsha kelisim shartqa qol qoıǵan kásipkerlerge Qazaqstan aýmaǵynda aptasyna 7 kún, táýligine 24 saǵat sybaılas jemqorlyq derekterinen 100 % qorǵaýǵa kepildik beredi. Jalpy Túrkistan oblysy qurylǵan sátten bastap, 405 mlrd teńge bolatyn 15 iri ınvestormen kelisim shartqa qol qoıylǵan.
