Túrkistanda ınvestıtsııalyq jobalar arqyly 1 myńnan astam adam jumyspen qamtylady

TÚRKІSTAN. QazAqparat – Ótken jyly «Turkestan» ındýstrıaldy aımaǵynda 1 mlrd 124 mln teńgege 5 joba iske asyryldy (192 jumys orny). Bıyl ındýstrıaldy aımaqqa jalpy quny 1 mlrd 554 mln teńgeni quraıtyn 3 ınvestıtsııalyq joba tartylyp otyr, dep habarlaıdy QazAqparat tilishisi.

Qala ákimi Rashıd Aıýpovtyń aıtýynsha, bul jobalardy júzege asyrý arqyly 1026 adam jumyspen qamtylatyn bolady. Sonymen qatar, ótken jyly 6 kásiporyn iske qosylyp, jalpy sany 47-ge jetken. Nátıjesinde jańa 202 jumys orny paıda boldy. Al, shaǵyn jáne orta bıznes sýbektiler sany 10 885-i qurap, 27 myń adam eńbekke ornalasty.

«Nátıjeli jumyspen qamtý jáne jappaı kásipkerlikti damytýdyń» 2017-2021 jyldarǵa arnalǵan memlekettik baǵdarlamasy arqyly 505 myń jáne 250 myń teńgelik grantty - 269 azamat aldy. Sondaı-aq, «Jumyspen qamtý» jáne «Eńbek» baǵdarlamalary aıasynda, «Yrys» MQU arqyly 33 joba 334 mln 800 myń teńgege qarjylandyrylyp, nátıjesinde 61 adam jumyspen qamtyldy», - dedi Rashıd Abatuly.

Aıta keterligi, bıznesti júrgizýdi jeńildetý úshin oblys ortalyǵynda kásipkerlerge arnaıy baǵyt-baǵdar berip otyratyn «Bızneske arnalǵan úkimet» ortalyǵy qurylǵan. Onda kásipkerlerge qarjy uıymyna deıin keńester berip, jobalardy súıemeldeý qyzmeti atqarylady.