Túrkistanda HІH ǵasyrdaǵy áshekeıler kórmege qoıyldy
ShYMKENT. QazAqparat - Túrkistanda «Ulttyq áshekeı jaýharlary» kórmesi ashyldy, dep habarlaıdy QazAqparat tilshisi.
«Áziret Sultan» memlekettik tarıhı-mádenı qoryq-mýzeıi jáne OQO Tarıhı-mádenı etnografııalyq ortalyǵy uıymdastyrǵan sharaǵa kolledj stýdentteri men oqytýshylary, mektep oqýshylary jáne qala qonaqtary qatysty, dep habarlaıdy QazAqparat tilshisi.
Atalǵan kórme ekspozıtsııasyna «Áziret Sultan» qoryq-mýzeı qorynan 50-den asa zergerlik buıymdar qoıyldy. HІH ǵasyrǵa jatatyn beldik, boıtumar, alqa, júzik, monshaq, bilezik, syrǵa, sholpy, áshekeı syndy etnografııalyq kóztartar qundy jádigerler kópshilik nazaryna usynyldy.
Kórmeniń tusaýkeserinde «Áziret Sultan» qoryq-mýzeıi dırektorynyń orynbasary Ǵanı Ysqaqov ekspozıtsıaǵa qoıylǵan qundy jádigerler jaıly aıta kele, olardyń tarıhı mańyzdylyǵy men mánine toqtaldy. Barsha qonaqtar men mekeme qyzmetkerlerin shymyldyǵy túrilgen kórmemen quttyqtaǵan dırektor orynbasary mazmundy mádenı sharalar eki mekeme arasynda áli de jalǵasyn tabatyndyǵyna senim bildirdi.
Aıta keteıik, atalǵan kórmeni qala qonaqtary men turǵyndary bir aı boıy tamashalaı alady.
