Túrkistanda halyqqa zańnamalyq kómek kórsetý jaıy talqylandy
Túrkistanda kúngeı óńirdiń ádilet departamentteri ókilderiniń qatysýymen halyqty bilikti zań kómegimen qamtamasyz etý máseleleri boıynsha kóshpeli otyrys ótti. Atalǵan májilis altynshy saılanǵan Qazaqstan Respýblıkasy Parlamenti Májilisiniń ókilettikterin iske asyrýdyń besinshi sessııasyna arnalǵan negizgi is-sharalar josparyna sáıkes uıymdastyryldy. Atalmysh jıynǵa arnaıy kelgen Parlament Májilisiniń depýtattary, zańnama jáne sot-quqyqtyq reforma komıtetiniń músheleri, sondaı-aq «Nur Otan» partııasy janyndaǵy Quqyqtyq keńestiń músheleri halyqqa tıimdi túsindirýler jóninde keńesti.
Jıynǵa qatysýshylar Memleket basshysynyń 2018 jylǵy 5 shildedegi «Advokattyq qyzmet jáne zań kómegi týraly» Qazaqstan Respýblıkasy zańyn iske asyrý monıtorıngi boıynsha Májilis depýtattary, zańnama jáne sot-quqyqtyq reforma komıtetiniń músheleri Túrkistan oblysy ádilet organdary men advokatýranyń qyzmetimen tanysty.
Kóshpeli otyrystyń alǵashqy sóz kezeginde Qazaqstan Respýblıkasy Parlamenti Májilisiniń zańnama jáne sot-quqyqtyq reforma komıtetiniń tóraǵasy, «Nur Otan» partııasynyń janyndaǵy Quqyqtyq keńesiniń tóraǵasy, zań ǵylymdarynyń doktory, professor Nurlan Ábdirov búgingi otyrystyń maqsaty men mańyzdylyǵyna toqtaldy.
Túrkistan oblysy ákiminiń orynbasary Ulan Tájibaev halyqtyń zań quqyqtaryn bilýde osyndaı basqosýlardyń mańyzy zor ekendigin aıtty.
Kóshpeli otyrys barysynda bilikti zań kómegin kórsetý júıesiniń odan ári damýy, zań kómegin kórsetý salasyn jetildirý aıasynda zańnamalyq jańalyqtardyń praktıkalyq mańyzy, zań konsýltanttary ınstıtýtyn odan ári jetildirý, bilikti zań kómegin kórsetý barysynda advkatýra men quqyq qorǵaý organdarynyń ózara is-qımyl jasaý máseleleri jáne taǵy basqa máseleler talqylandy.
Otyrysqa qatysqan múddeli memleketik organdardyń - Joǵarǵy sot, Bas prokýratýra, ádilet, ishki ister, qarjy mınıstrlikteriniń ókilderi, Túrkistan, Jambyl, Qyzylorda oblystary jáne Shymkent qalasynyń ádilet departamenteri ókilderi, sondaı-aq respýblıkalyq advokattar alqasynyń, respýblıkalyq notarıattyq palatasynyń jáne respýblıkalyq jeke sot oryndaýshylary palatasynyń ókilderi, joǵaryda kórsetilgen oblystardyń advokattary jáne notarıýstary, jáne de basqa da úkimettik emes uıymdardyń ókilderi basqasý maqsatynyń tóńireginde oılaryn ortaǵa saldy.
Kóshpeli otyrys nátıjeleri boıynsha qatysýshylarmen halyqty bilikti zań kómegimen qamtamasyz etý salasynda naqty usynystardy qamtıtyn usynymdar ázirlendi.
