Túrkistanda halyqqa qyzmet kórsetetin front-ofıs ashyldy

TÚRKІSTAN. QazAqparat - Túrkistan qalasynda ekonomıkalyq sottyń janynan front-ofıs ashyldy. «Tsıfrlyq Qazaqstan» memlekettik baǵdarlamasy aıasynda qolǵa alynǵan bastamanyń maqsaty - halyqqa sot tóreliginiń ashyqtyǵy men qoljetimdiligin is júzinde qamtamasyz etý, dep habarlaıdy QazAqparat oblys ákiminiń baspasóz qyzmetine silteme jasap.

Jumysyn jańa bastaǵan nysannyń ashylý rásimine Túrkistan oblysynyń ákimi Janseıit Túımebaev qatysyp, qyzmet kórsetý ortalyǵyn aralap kórdi.

«Halyqqa qyzmet kórsetetin memlekettik mekemelerdiń sapasyn arttyrý - zaman talaby. Bul týraly Elbasymyz únemi aıtyp keledi. Mine, búgin osy mindetti oryndaý barysynda halyqqa qyzmet kórsetetin front-ofıs ashylyp otyr. Bul - halyq pen bılik arasyn odan saıyn jaqyndastyra túsetin mekeme. Munda máseleniń der kezinde, ádil sheshilýine barlyq jaǵdaı jasalǵan. ıAǵnı, ortalyqta kórsetiletin qyzmetterdiń basym bóligi elektrondy júıege kóshirilgen. Demek, qoǵamda daý-damaı týyndaıtyn bolsa, burynǵydaı uzaq ýaqytqa sozylmaı, qysqa merzimde sheshiledi degen sóz», - dedi Janseıit Qanseıituly.
 

Ǵımaratta aqparattyq ortalyq, kiris keńsesi men ózine-ózi qyzmet kórsetý aımaqtary ornalasqan. Kútý zalynda kelýshilerge jaǵdaı jasalǵan, ınternet jelisi, mobıldi symtetikterdi qýattaǵyshtarmen de jabdyqtalǵan. 

Sonymen qatar, munda daýlardy sotqa deıin jetkizbeı sheshý úshin jumys isteıtin medıatsııa kabıneti qarastyrylǵan. Onda taraptardyń máselesin ádil sheship, isti toqtatýmen aınalysatyn kásibı mamandar bar.
 

Odan bólek, keńsede «Vırtýaldy sot otyrysy» júıesi jumys isteıdi. Bul joba elimizdiń kez-kelgen jerindegi sot otyrystaryna qatysýǵa múmkindik beredi.