Túrkistanda halyqaralyq týrıstik jáne ınvestıtsııalyq forým ótýde
TÚRKІSTAN. QazAqparat - Búgin Túrkistan qalasynda «Kóne Túrkistan - jańa múmkindikter» atty halyqaralyq ınvestıtsııalyq jəne týrıstik forým bastaldy. Sharaǵa Qazaqstannan bólek, Reseı, Ońtústik Koreıa, Qytaı, Sıngapýr, Malaızııa, Pákistan, Ózbekstan jáne birqatar Eýropa elderiniń ókilderi qatysýda, dep habarlaıdy QazAqparat tilshisi.
Forýmǵa QR Investıtsııalar jáne damý mınıstri Jeńis Qasymbek, QR Mádenıet jáne sport mınıstri Arystanbek Muhamedıuly, Túrki keńesiniń bas hatshysy Baǵdat Ámireev, Eýrazııalyq ekonomıkalyq yntymaqtastyq uıymynyń bas hatshysy Vladımır Pıskýrev, Týrızmniń Eýrazııalyq qaýymdastyǵynyń prezıdenti Rysty Qarabaeva jáne ózge de delegattar qatysýda.
Sharany ashqan Túrkistan oblysynyń ákimi Janseıit Túımebaev óńirdiń damýy jáne ınvestıtsııalyq tartymdylyǵy jóninde málim etti.
«Byltyr óńirge 482 mlrd teńge kóleminde ınvestıtsııa tartyldy jáne bul kórsetkish boıynsha respýblıkada úzdikter qatarynan tabyldy. Onyń ishinde, óńdeý ónerkásibine 129 mlrd teńge tartylyp, 2,5 esege ulǵaıǵan. Oblysta shaǵyn jáne orta kásipkerlik jaqsy damý ústinde. Investıtsııa tartý maqsatynda Túrkistan qalasynda «Turkistan» arnaıy ekonomıkalyq aımaǵyn qurý jumystary josparlanǵan. Aımaqta kásipkerlerge 25 jylǵa deıin salyq tóleýde jeńildikter qarastyrylmaq», - dedi Janseıit Túımebaev.
Forým aıasynda V2V formatyndaǵy kezdesýler ótedi dep josparlanýda. Atap aıtqanda, Túrkistan oblysy ákimdigi men shetel kompanııalary arasynda kelisimder men memorandýmdarǵa qol qoıylmaq. Oblystyń týrıstik, ekonomıkalyq áleýetin kóterý, kásipkerlikti, óndiristi damytý baǵytynda naqty jobalar usynylyp, sheteldik ınvestorlarmen kelisim jasalmaq. Sonymen birge «Týrızm ındýstrııasy - Qazaqstan ekonomıkasynyń jańa draıveri», «Soltústik-Ońtústik ekonomıkalyq dálizi» taqyryptarynda jáne agroónerkásip keshenin damytýdaǵy adam kapıtalynyń róli jóninde pikir almasýlar ótetini kútilýde.
