Túrkistanda halyqaralyq talaptarǵa saı sport keshenderi salynyp jatyr
TÚRKІSTAN. QazAqparat - Túrkistan qalasynda álemdik standarttarǵa saı tennıs ortalyǵy salynyp jatyr. Ákimshilik-iskerlik ortalyǵynda boı kótergen nysannyń qurylysy tolyqtaı ıspanııalyq jobanyń úlgisimen júzege asyrylýda, dep habarlaıdy QazAqparat tilshisi.
Túrkistan oblysynyń ákimi Ómirzaq Shókeev oblys ortalyǵynda boı kóterip jatqan birqatar jańa nysandardy aralap, qurylysshylarmen kezdesti. Jaýapty sala basshylaryna birqatar tapsyrma júktedi. Qurylys barysynda bekitilgen kesteden aýytqymaýdy estkertip, keı qurylys alańyndaǵy jumysshylar sanyn arttyrýdy tapsyrdy. Sebebi, qurylystyń sapasy basty nazarda.
«Qurylys barysynda ár qadam mańyzdy. Ásirese sapaǵa salǵyrt qaraýǵa jol bermeý kerek. Jańadan salynyp jatqan barlyq sport nysandaryna talap osy. Halyqqa yńǵaıly, sapasy minsiz bolýy tıis. Bul jerde erteń balalarymyz jattyǵyp, shynyǵady. Balalardy, jasóspirimderdi erte jastan sportqa baýlý arqyly biz keleshek urpaǵymyzdy tárbıeleımiz»,-deıdi oblys ákimi.
Jańadan salynyp jatqan nysandardyń biri -Tennıs ortalyǵy. 7 ashyq tennıs kortynan turatyn nysannyń kórermenderge arnalǵan jınalmaly minbeleri men ámbebap jáne balalar oıyn alańdary bar. Aımaq basshysy sondaı-aq, sport keshenderi bar esý kanalynyń qurylys alańynda boldy. Bul nysan elimizdegi sý sporty túrlerin damytyp, Túrkistan qalasynda joǵary deńgeıdegi jarystar ótkizýge múmkindik bermek. Shahardyń sáýletin keltirýmen qosa, týrızmdi damytyp, óńirde qolaıly mıkroklımat qalyptastyrýǵa sep bolmaq. Halyqaralyq dárejedegi eskek esý jəne baıdarka sporty boıynsha olımpıadalyq standartqa saı ortalyq 100 gektarǵa jýyq alańda ornalasqan.
