Túrkistanda gúl julǵandar jazalanady
TÚRKІSTAN. QazAqparat - Túrkistan oblysynyń polıtseıleri «Qyzǵaldaq» is-sharasyn ótkizip, Qyzyl kitapqa engen ósimdikterdi julǵandarǵa shara qoldana bastady, dep habarlaıdy QazAqparat tilshisi.
Qazirdiń ózinde tártip saqshylarymen «Greıg» qyzǵaldaqtaryn julǵan 8 turǵyn anyqtalǵan.
Oblystyq PD baspasóz qyzmetiniń jetekshisi Saltanat Qarakózovanyń aıtýynsha, tabıǵat qorǵaý zańyn buzǵan oqıǵalar tórt aýdan aýmaǵynda tirkelgen.
«Qyzǵaldaqtardy julý deregi boıynsha Qazyǵurt aýdanynda -3, Báıdibek aýdanynda -2, Ordabasy aýdanynda -2 jáne Saıram aýdanynda -1 derek tirkeldi. Qazirgi tańda bul azamattarǵa qatysty QR QK-niń 339-babyna sáıkes sotqa deıingi tergeý amaldary júrgizilýde. «Greıg» qyzǵaldaqtaryn julǵan úshin QR QK-niń 339-babyna sáıkes qylmystyq jaýapkershilik qarastyrylǵan»,- dedi Saltanat Qarakózova.
