Túrkistanda fýtboldan sýperkýbok oıyndary kórermensiz ótedi

TÚRKІSTAN. QazAqparat - Túrkistan qalasyndaǵy jańadan ashylǵan «Turkistan arena» stadıonynda 2-6 naýryz kúnderi aralyǵynda Qazaqstannyń fýtboldan sýperkýbok oıyndary ótedi, dep habarlaıdy QazAqparat tilshisi.

Ár matchty kórermen alańnan emes, «Qazsport» telearnasy men áleýmettik jelilerden, Túrkistan qalasyndaǵy led-ekrandardan tikeleı efırde tamashalaı alady

Oıyndarǵa barlyq shtab músheleri men fýtbolshylar, uıymdastyrýshylar PTR testiniń oń qorytyndylarymen ǵana qatysady.

«Oblys ortalyǵyndaǵy jańadan ashylǵan stadıonda mundaı respýblıkalyq deńgeıdegi jarystyń ótip jatqandyǵy kóńil qýantady. Stadıonda fýtbolshylar úshin barlyq jaǵdaı jasalǵan. Uıymdastyrý alqasy dodanyń joǵary deńgeıde ótýine kúsh salatyn bolady. Ortalyq stadıonda 2 naýryz kúni jartylaı fınalda «Shahter» – «Astana» komandalary kezdesse, 3 naýryz kúni «Tobyl» men «Qaırat» baq synaıdy. Al 5 naýryz kúni 3-oryn úshin oıyn ótse, 6 naýryzda fınaldyq kezdesý bolady. Barlyq komandalarǵa sáttilik tileımin», - deıdi oblystyń dene shynyqtyrý jáne sport basqarmasynyń basshysy.

Al, oblystyń bas sanıtar dárigeri Nurbek Nyshanovtyń sózinshe, Túrkistan qalasynda fýtboldan el sýperkýbogyn ótkizý tártibi boıynsha arnaıy qaýly qabyldanǵan.

«Qaýlyǵa sáıkes, shtabtyń barlyq músheleri, komanda oıynshylary, sportshylar, BAQ ókilderi jáne sýperkýboktyń basqa da qatysýshylary PTR testin sýperkýbok bastalǵanǵa deıin 3 táýlik ishinde tapsyrý qajet. Sýperkýboktyń barlyq qatysýshylary qol alysýdan nemese tikeleı basqa adamdarmen baılanysý túrlerinen aýlaq bolýy kerek. Jarys kúsheıtilgen sanıtarııalyq-dezınfektsııalyq rejımdi saqtaı otyryp ótetin bolady», - dedi Nurbek Sadyqbekuly.