Túrkistanda Eýrazııadaǵy kóshi-qonǵa arnalǵan halyqaralyq sımpozıým bastaldy
TÚRKІSTAN. QazAqparat - Q.A.ıAsaýı atyndaǵy Halyqaralyq qazaq-túrik ýnıversıtetiniń Mádenıet ortalyǵynda «Eýrazııadaǵy kóshi-qon halyqaralyq sımpozıýmynyń» ashylýy ótti. Basqosýdyń maqsaty - túrki elderine ortaq ádebıet pen mádenıetti qaıta jańǵyrtý, rýhanı dúnıelerdi urpaq jadynda qaldyrýǵa yqpal jasaý, dep habarlaıdy QazAqparat.
Túrkistan oblysy ákiminiń baspasóz qyzmetinen málim etkendeı, shara Ystanbul Mádenıet ýnıversıtetimen birlese uıymdastyrylǵan. Sharada Túrkistan oblysynyń basshysy Janseıit Túımebaev alǵashqy bolyp sóz alyp, qatysýshylardy sımpozıýmnyń bastalýymen quttyqtady.
«Búgingi sımpozıýmnyń róli erekshe. Óıtkeni, bul Túrkistan oblysy qurylyp, jańa oblys ortalyǵy Túrkistan qalasy bolyp bekitilgen tusta uıymdastyrylyp otyrǵan Halyqaralyq sımpozıým. Túrkistan - túrki áleminiń rýhanı ortalyǵy. Munda eldiń taǵdyryna qatysty keleli máseleler sheshilgen. Búgingi jıynnan da kúterimiz mol», - dedi Janseıit Qanseıituly.
Keıin Q.A.ıAsaýı atyndaǵy Halyqaralyq qazaq-túrik ýnıversıteti Ókiletti keńesiniń tóraǵasy, professor Mýsa Iyldyz, Ystanbul Mádenıet ýnıversıtetiniń rektory, professor Ihsan Karaman, Q.A.ıAsaýı atyndaǵy HQTÝ prezıdenti, professor Bolatbek Ábdirásilov, oqý ornynyń I vıtse-prezıdenti Jengız Tomar sımpozıýmnyń mán-mańyzyna keńirek toqtaldy.
Sondaı-aq basqosýǵa Túrkııa, Qyrǵyzstan, Bosnııa, Ázerbaıjan elderinen ǵalymdar qatysty. Halyqaralyq jıyn 11 taqyryptyq baǵyt boıynsha ótedi. Atap aıtqanda, ádebıet, BAQ jáne mádenı zertteý, bilim, ekonomıka, quqyq, memlekettik basqarý, qoǵamdyq saıasat, saıasattaný, áleýmettaný, tarıh, halyqaralyq qatynastar syndy salalar qamtylmaq.
Sımpozıým 13 qazanǵa deıin jalǵasady.
