Túrkistanda elimizdegi ekinshi Medıaortalyq paıdalanýǵa beriledi
TÚRKІSTAN. QazAqparat – Almaty ákimi Baqytjan Saǵyntaev Túrkistan óńirine jasaǵan sapary barysynda oblys ortalyǵynda salynyp jatqan Medıaortalyqqa bardy, dep habarlaıdy QazAqparat tilshisi.
Medıaortalyq — Almaty qalasynyń Túrkistan oblysyna jasaǵan syılyǵy jáne ol qalanyń jańa ákimshilik-iskerlik ortalyǵynda qurylysy aıaqtalǵan alǵashqy nysandardyń biri bolmaq. Bul - elordadaǵy «Qazmedıa ortalyǵy» teleradıokesheninen keıin jańadan salynǵan ekinshi Medıaortalyq. Munda Túrkistan oblysyndaǵy barlyq telearnalar, radıo, gazet-jýrnaldardyń redaktsııasy ornalasatyn bolady.
Ǵımarattyń jalpy kólemi — 3 myń sharshy metrdi quraıdy. Jobanyń quny 4,8 mlrd teńge.
Qurylys-montajdaý jumystary 2019 jyldyń aqpan aıynda bastalǵan bolatyn. Paıdalanýǵa osy qazan aıynda beriledi dep kútilýde.
Jaqynda óńirge túrkitildes elderdiń iri BAQ ókilderin shaqyrý kózdelip otyr.
