16:21, 16 Qyrkúıek 2022 | GMT +5
Túrkistanda elden 100 myń AQSh dollaryn zańsyz shyǵarmaq bolǵan azamat ustaldy
NUR-SULTAN. QazAqparat - Qarjy monıtorıngi agenttiginiń Túrkistan oblysy boıynsha departamenti deklaratsııalanbaǵan valıýtany zańsyz áketý faktisiniń jolyn kesti, dep habarlaıdy QazAqparat atalǵan vedomstvonyń baspasóz qyzmetine silteme jasap.
Túrkııaǵa bet alǵan Qazaqstan azamaty 100 myńǵa jýyq AQSh dollaryn elden shyǵarmaq bolǵan. Jolaýshynyń qolsómkesinen kedendik deklaratsııasy joq shetel valıýtasy tabyldy.
Kinálige 40 aılyq eseptik kórsetkish kóleminde aıyppul salyndy. Tárkilengen qarjy memleket kirisine aınaldyryldy.