Túrkistanda dúken tonaýshy jábirlenýshilerge 1,5 mln teńge shyǵyn keltirgen
ShYMKENT. QazAqparat - Túrkistanda dúkenderdi tonap júrgen kúdikti ustaldy. Qazirdiń ózinde seziktiniń 11,5 mln teńgege jýyq shyǵyn keltirgeni anyqtalyp otyr, dep habarlaıdy QazAqparat tilshisi.
Kúdiktini ustaýǵa dúkenderdiń biriniń ıesi qalalyq ishki ister basqarmasyna aryzdanýy sebep bolǵan. Onyń sózinshe, túngi ýaqytta belgisiz bireýler dúkenge tereze arqyly kirip, ondaǵy aqshasy men uıaly telefonyn, sondaı-aq azyq-túlikterin urlap ketken. Sóıtip jábirlenýshige 240 myń teńgege jýyq shyǵyn keltirgen.
Bul oqıǵadan soń, Túrkistan qalalyq ishki ister basqarmasynyń qyzmetkerleri 25 jastaǵy jergilikti turǵyndy qolǵa túsirdi. Tergeý kezinde ol barlyq urlyq qylmystaryn tek Túrkistan qalasyndaǵy azyq-túlik dúkenderinde jasaǵanyn moıyndady. Aıtýynsha, túngi ýaqyttarda plastık terezelerdi buzý arqyly ishke kirip, ondaǵy aqsha, baǵaly zattar men azyq-túlikterdi jymqyryp ketip júrgen. Qazirgi tańda kúdikti qamaýǵa alynyp, atalǵan qylmystyq is boıynsha jınaqtalǵan is-qujattary aıyptaý aktisimen sotqa joldandy.
