Túrkistanda dúken órtenip, bir adamnyń denesin kúıik shaldy
ShYMKENT. QazAqparat - Túrkistanda qalalyq bazardyń mańaıynda sharýashylyq maqsattaǵy qurylys pen dúken órtendi, dep habarlaıdy QazAqparat tilshisi.
Jelide oqıǵa bolǵan oryndy kórsetetin vıdeolar tarap ketken. Tótenshe jaǵdaılar komıtetinde málim etkendeı, órt jer úıdiń aýlasynda bolǵan. Sharýashylyq maqsatyndaǵy qurylys pen dúkenniń shatyry qyzyl jalynǵa oranǵan. Órttiń aýmaǵy 124 sharshy metr aýmaqty qamtyǵan.
«Órt saǵat 15.50-de aýyzdyqtalyp, 16.45-te túgeldeı toqtatyldy. 38 jastaǵy er adamnyń denesin kúıik shalyp, aýrýhanaǵa tústi», - delingen habarlamada.
Aldyn ala boljam boıynsha, órtke temeki shekken kezde qaýipsizdik sharalaryn durys saqtamaý sebep bolǵan.
