Túrkistanda dári-dármekter azyq-túlik dúkeninde satylyp kelgen
TÚRKІSTAN. QazAqparat – Túrkistan qalasynda dári-dármekter azyq-túlik dúkeninde satylyp kelgen. Mundaı zańbuzýshylyqty oblystyq prokýratýra men polıtsııa qyzmetkerleri anyqtaǵan, dep habarlaıdy QazAqparat tilshisi.
Túrkistan qalasynyń prokýratýrasy men polıtsııa qyzmetkerleri birlese otyryp, B.Sattarhanov dańǵyly jáne H.A.ıAssaýı kósheleriniń qıylysynda ornalasqan «Fırkan» azyq-túlik dúkenine tekserý júrgizgen. Tekserý kezinde dúken qojaıyndary tıisti lıtsenzııasyz dárilik zattar men medıtsınalyq buıymdardy satyp kelgeni anyqtaldy. Biraz ýaqyt boıy saýdalanǵan dárilik zattardyń ishinde analgın, grıppgo, streptotsıd, teraflıý, ampıtsıllın, nolgrıpp, naftızın jáne basqa da preparattar tabylǵan. Osylaısha dáriler dúken tońazytqyshynda turǵan shujyq, irimshik, jumyrtqa jáne basqa da azyq-túlik túrlerimen birge satylyp kelgen.
«Atalǵan derek Túrkistan qalalyq polıtsııa basqarmasynyń tizimine tirkeldi. Dárilik zattar men medıtsınalyq buıymdar tárkilenip, densaýlyq saqtaý nysandaryna ýaqytsha saqtaýǵa tapsyryldy. Endi dúken ıesi «Zańsyz farmatsevtıkalyq qyzmetpen aınalysý» jáne «Dárilik zattar men medıtsınalyq buıymdardyń aınalymy boıynsha qaǵıdalardy buzý» baptarymen ákimshilik jaýapqa tartylatyn bolady» delingen oblystyq prokýratýranyń habarlamasynda.
