Túrkistanda búginnen bastap jylytý maýsymy aıaqtaldy

TÚRKІSTAN. QazAqparat – Túrkistanda búginnen bastap jylý berý maýsymy toqtatyldy. Bul týraly qalalyq ákimdiktiń baspasóz qyzmeti málimet taratty, dep habarlaıdy QazAqparat tilshisi.

Ákimdiktiń habarlaýynsha, «Jylý» mekemesi osylaısha qordaǵy 327 tonna kómirdi únemdegen. Kelesi maýsymnan bastap Túrkistandaǵy jylý júıesinde qatty otynnan suıyq otyn, ıaǵnı, gazben iske asatyn 3 qazandyq bolady. Nátıjesinde densaýlyqqa jáne ekologııaǵa oń áserin tıgizbek. Qala ákimi Rashıd Aıýpov sondaı-aq, túngi baqylaý jumystaryn júrgizdi.

Shahar basshysy aldymen qoǵamdyq kóliktegi zalalsyzdandyrý jumystarynyń talapqa saı júrgizilýin baqylap, olarǵa ornatylǵan GPS qurylǵylarynyń jumysyn kórdi. Temirjol vokzaly men aýmaǵyndaǵy alleıanyń qurylys jumystaryn da kórip shyqty. Munda kelýshilerge jaıly jaǵdaı jasaý qajettigi eskertilgen. Jýyq arada qurylys jumystary aıaqtalyp, paıdalanýǵa beriledi dep josparlanǵan.

Sonymen qatar, atalǵan oryndarda COVID-19 indeti taralýynyń aldyn alý sharalaryn da jiti tekserilip jatyr. Ákim munda zalalsyzdandyrý, tazalyq saqtaý, antıseptıkter men medıtsınalyq betperdelerdiń ondaı oryndarda bolýy qajettigin aıtty.

Reıd barysynda dúken, toıhana, dámhanalardyń ýaqytyly jabylýyn qadaǵalaý barysynda bir dúkenniń jumys jasap jatqany belgili bolyp, polıtsııa tarapynan eskertý berildi.

⠀