Túrkistanda bıyl 15 nysan paıdalanýǵa beriledi
TÚRKІSTAN.QazAqparat – Túrkistan qalasynda aǵymdaǵy jyly jańadan salynǵan 15 nysan paıdalanýǵa beriledi. Bul týraly Óńirlik kommýnıkatsııalar qyzmetinde ótken brıfıngte oblystyq Sáýlet jáne qala qurylysy basqarma basshysynyń mindetin atqarýshy Baqtybaı Dúısebekov málim etti, dep habarlaıdy QazAqparat tilshisi.
Baqtybaı Dúısebekovtiń aıtýynsha, Túrkistan qalasyndaǵy qurylystar eki aımaqqa bólingen. Olar: ákimshilik-iskerlik jáne rýhanı-mádenı ortalyq. Aımaqtarda qazirgi tańda 15 mádenı-áleýmettik nysan salynyp jatyr. Atalǵan qurylystar 2020 jyly tolyq aıaqtalady dep josparlanýda.
« «Ákimshilik-iskerlik ortalyqta» 8 nysannyń qurylysy júrip jatyr. Olar: jabyq basseıni bar sport kesheni, 7000 oryndyq stadıon, Oqýshylar saraıy, Departamentter úıi, Basqarmalar úıi, Kongress holl, Tsıfrlyq keńse, Attraktsıondar saıabaǵy. Al «Rýhanı-mádenı ortalyqta» 7 nysan: ıAsaýı murajaıy, «Uly Dala» ortalyǵy, Qolóner sheberleri ortalyǵyn qaıta jańǵyrtý, Ǵylymı-ámbebap kitaphanasy, Drama teatry, Tuńǵysh Prezıdenti saıabaǵy, Arbat. Budan ózge, «Rýhanı-mádenı ortalyǵynda» «Kerýen saraıynyń» qurylysy bastaldy», - dedi Baqtybaı Dúısebekov.
Sondaı-aq basqarma basshysynyń mindetin atqarýshy ótken jyly qalada 9 nysan salynǵanyn atap ótti. Olardyń qatarynda oblys ákimdiginiń ǵımaraty, Qabyldaý ortalyǵy, Neke qııý saraıy, Halyqqa qyzmet kórsetý ortalyǵy, Amfıteatr, Mýzykalyq sýburqaq, Mýzykalyq mektep, Olımpıadalyq rezerv mektebi, Shyǵys monshasy bar. Sonymen qatar, Túrkistan qalasynda jeke ınvestıtsııalar esebinen týrısterge laıyqty servıstik qyzmet kórsetetin «Rixos», «Nur-Álem», «Hampton by hilton» atty qonaq úı keshenderi boı kóterýde. Atalǵan nysandardyń qurylysy aǵymdaǵy jyly bitedi. Budan ózge, Q.A.ıAsaýı kesenesiniń býferlik aýmaǵynda abattandyrý jumystaryn aıaqtaý kózdelip otyr. Aýmaǵy 20 gektardy quraıtyn B.Sattarhanov dańǵyly boıyndaǵy jelilik saıabaq salyndy. Ótken jyly atalǵan basqarma oblys boıynsha aýdandyq, qalalyq sáýlet jáne qala qurylysy bólimderi tarapynan 81 253 memlekettik qyzmet kórsetilgen. Onyń ishinde, QR aýmaǵynda jyljymaıtyn múlik obektileriniń meken-jaıyn aıqyndaý boıynsha 74 145 anyqtama, 2 809 sáýlet-josparlaý tapsyrmasy berilip, 4299 eskızdik joba kelisýden ótkizilgen.
