Túrkistanda bir jylda 7 myńǵa tarta eski kólik joıyldy
TÚRKІSTAN. QazAqparat - Túrkistan oblysynda ótken jyly 7 myńǵa tarta eski avto kólik joıyldy. Al 30 954 adam kólik júrgizýshi kýáligin alǵan. Bul týraly oblystyq PD Ákimshilik polıtsııa basqarmasy bastyǵynyń orynbasary Ǵalymjan Esimov málimdedi, dep habarlaıdy QazAqparat tilshisi.
Ákimshilik polıtsııa basqarmasy bastyǵy orynbasarynyń aıtýynsha, óńirde eski kólikterden arylý kórsetkishi jyl saıyn jaqsaryp keledi. Máselen, 2017 jyly óńirde bar-joǵy 1780 ǵana avtokólik joıylǵan bolsa, byltyr bul kórsetkish 6938-di quraǵan. Al, túrli tirkeý oryndary arqyly bas-aıaǵy avtokólikke qatysty 136 myńnan astam qujat rásimdelgen. Sonyń ishinde 3 813 jaǵdaıda qujattar keri qaıtarylǵan.
Mamandar sonymen qatar, tirkeý oryndarynda zańsyz áreketterge tosqaýyl jasalǵanyn aıtady. 2018 jyldyń 10 aıynda HQK barysynda arnaıy HQKO ornalasqan bólim qyzmetkerleri urlap aıdap áketken 5 kólik quralyn, 19 jalǵan qujat, jalǵan agregattarmen júrgen 23 avtokólikti anyqtady. Sońǵy kezde júrgizýshi kýáligin aqyǵa jasap berýshilerdiń kóbeıip ketkenin aıtady. Búginde oblysta solarǵa qarsy kúres kúsheıgen.
Qazir osy máselege oraı departament mamandary barlyq aýdan qalada tekseris júrgizýde.
