Túrkistanda bir jyl buryn jumysqa ketken 46 jastaǵy azamat Reseıden tabyldy
TÚRKІSTAN. QazAqparat - Túrkistan polıtseıleri joǵalǵan 46 jastaǵy azamatty Reseıden taýyp, úıine qaıtardy, dep habarlaıdy QazAqparat.
Túrkistan polıtsııasyna jergilikti turǵyn habarlasqan. Onyń aıtýynsha 46 jastaǵy balasy Reseıge jumysqa ketip, 1 jyl boıy qaıta oralmaǵan.
Al anasynyń iz-túzsiz ketken balasyn izdep júrgenine shamamen 1 aıdan astam ýaqyt bolǵan. Alaıda esh nátıje shyqpaǵan soń polıtseılerge aryzdanǵan.
Túrkistan qalalyq polıtsııa basqarmasynyń kóshi-qon qyzmetkerleri habarlama túse salysymen tez arada áreket etip, iz-túzsiz ketken azamatty izdeýdi bastap ketti.
Polıtseıler oblys kóleminde, odan soń Qazaqstan Respýblıkasy boıynsha baǵyttamalar berip, izdestirý aýqymyn keńeıtti.
Reseı Federatsııasynda jumys babymen bolýy múmkin degen tujyrymdy da eskerip, sol jaqtaǵy elshilik pen tártip saqshylaryna habarlama jiberedi.
Nátıjesinde polıtseıler joǵalǵan orta jastaǵy azamatty birneshe kún ishinde tapty.
Belgili bolǵandaı, joǵalǵan er azamat Reseıde jumys jasaýǵa baryp, abaısyzda aıaǵyn syndyryp alǵan. Sodan beri jumyssyz jatqan.
Sondaı-aq azamat óz sózinde anasy ýaıymdamas úshin oǵan habarlaspaǵanyn aıtty.
Qazirgi tańda joǵalyp ketken 46 jasar azamat úıine qaıtaryldy.
Ulymen aman esen qaýyshqan ana kóshi-qon qyzmetkerlerine alǵysyn aıtty.
