Túrkistanda Binom, Daryn, Nazarbaev zııatkerlik mektepteri ashylady
«Oblysta 945 mektepte 509 myń 700 bala oqıdy. Bıyl oblysta 78 mektep qurylysy júrgizilýde. Nur Otan partııasynyń baǵdarlamasyna sáıkes, bıyl elimizde 200-deı mektep salynsa, bizdiń oblysta sonyń 47-si paıdalanýǵa beriledi. Jáne 2025 jylǵa qaraı 130 jańa mektep salý josparlanǵan», - dedi Ó. Shókeev Ortalyq kommýnıkatsııalar qyzmetinde ótken baspasóz máslıhatynda.
Baǵdarlama aıasynda jyl saıyn 108 mektep jańǵyrtýdan ótetin bolady. Jańa úlgidegi 4 Binom mektebi Túrkistan oblysynyń aýdandarynda salynady.
«Jaqyn kúnderi Túrkistan qalasynda 720 oryndyq Nazarbaev zııatkerlik mektebiniń qurylysy aıaqtalady. 700 oqýshyǵa arnalǵan 500 oryndyq jataqhanasy bar «Daryn» mektep-ınternatynyń qurylysy júrgizilýde. Oqýshylardyń qaýipsizdigin saqtaý úshin 906 memlekettik mektep tolyǵymen beınebaqylaý júıesimen qamtamasyz etilgen. Onyń barlyǵy polıtsııanyń jedel basqarý ortalyǵyna ıntegratsııalandy», - dedi Ó. Shókeev.