Túrkistanda bes adamnyń ólimine sebepker júrgizýshi 5 jylǵa sottaldy
TÚRKІSTAN. QazAqparat – Túrkistan oblysynda jol apatyn jasap, 5 adamnyń ólimine sebepker bolǵan júrgizýshi sottaldy, dep habarlaıdy QazAqparat tilshisi.
Qazyǵurt aýdandyq sotynyń úkimimen aıyptalýshy 5 jylǵa bas bostandyǵynan aıyryldy. Sondaı-aq 7 jylǵa kólik tizgindeý quqyǵy shekteldi.
«Jazasyn qylmystyq-atqarý júıesiniń qaýipsizdigi barynsha tómen mekemesinde óteıtin bolady. Sondaı-aq, sottalýshy tarapynan sot saraptamalaryn júrgizýge jumsalǵan 148 816 teńge jáne jábirlenýshilerge materıaldyq jáne moraldyq shyǵyndar óndirilsin», - dedi sotta sýdıa Ilıas Toǵyzbaev.
Aıta keteıik, atalǵan jol apaty ótken jyldyń 16 shildesinde Almaty-Termez tasjolynyń 781-shaqyrymynda boldy. Jol-kólik oqıǵasy saldarynan 5 adam qaza taýyp, taǵy 1 adam dene jaraqatyn aldy. Artynsha júrgizýshige qatysty QR QK-niń 345-baby 4-bóligimen is qozǵaldy. Sot barysynda júrgizýsh óziniń kinásin moıyndamaǵanymen, sot ony aqtaý týraly usynysty qanaǵattandyrýsyz qaldyrdy. Al, KamAZ avtokóliginiń júrgizýshisi ákimshilik jaýapkershilikke tartylyp, aıyppul salyndy.
