Túrkistanda Bekzat Sattarhanovty eske alýǵa arnalǵan týrnır ótip jatyr
ShYMKENT. QazAqparat - Túrkistanda taekvondodan jasóspirimder arasynda respýblıkalyq týrnırdiń jalaýy kóterildi. Dúbirli doda Olımpıada chempıony Bekzat Sattarhanovty eske alýǵa arnaldy.
Osymen úshinshi ret ótip otyrǵan básekege elimizdiń barlyq aımaǵynan 713 jas sportshy qatysýda, dep habarlaıdy «QazAqparat HAA tilshisi.
Túrkistandaǵy bul baıraqty básekege elimizdiń túpkir-túpkirinen 10 komanda keldi. 6 men 11 jas aralyǵyndaǵy 700-den astam sportshy onda jas ereksheligi boıynsha 2 topqa bólinip, ózara kúsh synasýda. Jarys WTF - Búkil álemdik taekvondo federatsııasynyń erejesine jáne sharttaryna sáıkes olımpıadalyq júıemen ótýde. Ár jekpe-jek 2 mınýttan, 3 kezeńde órbıdi.
Aıta keteıik, sporttyń bul túrine memleket tarapynan qoldaý kórsetilýde. Bul sporttaǵy jastardyń belsendiligi de joǵary. Sondyqtan Túrkistan shaharynda bastaý alǵan týrnırdiń jyl saıyn aýqymy artyp, qatysýshylary kóbeıýde.
